細細粒陳嘉佳上節目騷唱功　嘉賓胡杏兒張信哲驚喜大讚

以搞笑形象見稱的細細粒（陳嘉佳），其實亦是唱得之人，日前細細粒以一身懷舊LOOK現身內地綜藝節目《嗨唱轉起來》，並先後獻唱《梅蘭梅蘭我愛你》以及《東方之珠》。現場客席嘉賓張信哲、胡杏兒聽到手舞足蹈，更有人大叫「 真的太可愛了」！

向來予人感覺活潑的細細粒，雖然身形肥嘟嘟，但當其扭身扭勢獻唱《梅蘭》時，不但十分靈活跳脫，更不失美感。由於平時甚少見到如此一面的細細粒，由於細細粒唱得出色，加上成功炒熱現場氣氛，最終以獲得全場超過八成支持率順利過關。

▲ 造型參照萬綺雯《我和春天有個約會》。

細細粒直言為了是次錄影，足足練習了超過半個月，更笑言發夢都掛住唱歌：「因為我想大家唔好覺得我只識得搞笑，以及做運動做到嚇死人，其實我都可以認真MODE，我真是好鍾意唱歌。」

細細粒又指是次工作為她帶來額外驚喜：「我沒諗過自己原來這麼肥，都可以咁靚，哈哈哈！同事指我此造型參照萬綺雯《我和春天有個約會》角色藍鳳萍，我從來沒試過這樣整頭和著衫，自己照鏡時都覺得驚䒐，我以後可以整多些懷舊打扮，觀眾朋友可以多些新鮮感。但工作人員不斷笑『我和脂肪有個約會』，都唔知好嬲定好笑。」